مقامات کشور تاجیکستان امروز صبح پس از تحقیقات گسترده تائید کردند که مرزبانان آنان توسط طالبان در افغانستان دستگیر شده اند و در حال حاضر در اسارت به سر می برند.
چند روز قبل مقامات نظامی ولایت کندوز واقع در شمال شرق افغانستان اعلام کردند طالبان 4 سرباز مرزی تاجیکستان را به اسارت گرفته است.
تاجیکستان در ابتدا این خبر را رد کرد اما پس از تحقیقاتی که در مرز خود با افغانستان انجام دادند حال آن را تائید می کنند.
مرزبانان تاجیکستان هفته قبل به صورت غیرقانونی وارد جنگلی در ولسوالی "امام صاحب" ولایت کندوز شده بودند و مشغول قطع درختان بودند که طالبان به آنان حمله می کند.
مقامات افغان هنوز اطلاعات جدیدی درباره سرنوشت کسانی که در مرز افغانستان تاجیکستان توسط طالبان دستگیر شده اند ارائه نکرده ند.
مقامات تاجیکستان گفته اند از طریق دیپلمات های خود در افغانستان این مساله را در اولویت قرار داده اند و در حال حاضر مشغول بررسی آن هستند.
قرار است مقامات دولتی تاجیکستان و افغانستان با همکاری یکدیگر مرزبانان تاجیکستانی را از اسارت طالبان ازاد کنند. مقامات افغان گفته اند که آزادی آنان نیاز به زمان دارد.