تاجیکستان از فعالیت گروه تروریستی داعش در نزدیکی مرزهای خود با افغانستان ابراز نگرانی کرده است.

سخنگوی کمیته دولتی امنیت ملی تاجیکستان طی بیانیه در مورد وضعیت مرزهای این کشور گفته است تاجیکستان از فعالیت گروه تروریستی داعش  در نزدیک مرزهای کشورش با افغانستان ابراز نگرانی می کند.

وی گفته است که دولت تاجیکستان شاهد فعالیت های گروه تروریستی داعش در ولایات شمالی افغانستان در امتداد مرز با تاجیکستان است .

این مقام تاجیک ضمن ابراز نگرنی از حضور گروه های تروریستی در این مناطق خاطر نشان کرد که گروه های تروریستی در این مناطق از سوی نیرو های امنیتی افغانستان تحت کنترول قرار نمی گیرند .

وی اظهار داشت: حضور گروه های تروریستی مسلح از جمله حامیان دولت اسلامی که به شبه نظامیان طالبان وابسته اند ، جنبش اسلامی ازبکستان و جماعت انصارالله که در تاجیکستان فعالیت دارند در این مناطق گزارش شده است .

سخنگوی کمیته دولتی امنیت ملی تاجیکستان تصریح کرد: ما با مقامات روسیه ، افغانستان و دیگر کشور های همسایه در مورد بررسی این مسئله همکاری می نمایم .