دولت تاجیکستان به دنبال ناامنی های اخیر در ولایت کندز افغانستان تصمیم گرفته تامین امنیت مرزهای خود را بیش از پیش تقویت کند.
چندی قبل پس از آنکه طالبان اعلام کردند حملات بهاری خود را شروع می کنند، به چند منطقه ولایت کندز افغانستان حمله شد.
با حمله آنان به ولایت کندز نیروهای نظامی افغانستان وارد عمل شدند و درگیری چند روز طول کشید.
مقامات وزارت دفاع افغانستان می گویند که بیش از 100 جنگجوی وابسته به گروه طالبان را کشته اند.
این درگیری ها باعث شده که کشورهای همسایه افغانستان تدابیر امنیتی لازمه را اتخاذ کنند.
حالا به تازگی تاجیکستان اعلام کرده که امنیت مرزهای خود با افغانستان را بیشتر می کنند تا از نفوذ طالبان و دیگر جنگجویان به کشورشان جلوگیری کنند.
طبق گزارش های رسیده تاجیکستان تجهیزات نظامی خود را هم در مرزهای افغانستان بیشتر کرده است.
