حمله افراد ناشناس به یک دیپلمات تاجیکستانی در قندوز
/19.5.2014
روز گذشته سرکنسول تاجیکستان، در ولایت قندوز افغانستان مورد حمله تعدادی از افراد ناشناس قرار گرفت و به شدت زخمی شد.
سید سرور حسینی؛ سخنگوی فرمانده پولیس ولایت قندوز این خبر را تایید کرده است.
بنابر گفته های سخنان فرمانده پولیس ولایت قندوز، روز گذشته، آقای محبوب؛ سرکنسول تاجیکستان در حالی که از ولایت بدخشان به سوی ولایت قندوز در حرکت بود در مسیر شاهراه ولسوالی خان آباد با کمین مهاجمان مسلح مواجه شده است.
وی می گوید: راننده محبوب در کمین توقف نکرد و به راهش ادامه داد و مهاجمان به آن ها آتش گشودند و حمله کردند.
او وضعیت جسمی و سلامت کنسول تاجیکستان را رضایت بخش توصیف کرد و گفت که او فعلا در یک شفاخانه بستری است.
تا کنون هیچ گروهی مسئولیت حمله بر کنسول تاجیکستان را بر عهده نگرفته است.
وزارت خارجه تاجیکستان با پخش اعلامیه این رویداد را تایئد نموده است.
|