کشته شدن یک قاچاقچی در مرز افغانستان- تاجیکستان
/31.7.2014
یک قاچاقچی که روز گذشته قصد قاچاق و حمل و نقل مواد مخدر از افغانستان را داشت، توسط نیروهای امنیتی مرزی تاجیکستان شناسایی و کشته شد.
مسئولین امنیتی مرزی تاجیکستان گفته اند که این قاچاقچی از شرق جمهوری این کشور راهی بدخشان بوده است.
گزارش های رسیده حاکی از آن است که قاچاقچی پس از شناسایی شروع به درگیری کرده و پس از دقایقی او به ضرب گلوله کشته می شود.
از این قاچاقچی ، یک کلاشینکوف، 18 گلوله/مرمی، و 5 کیلو تریاک به دست آمده است. این چندمین بار است که در مرز افغانستان و تاجیکستان قاچاقبران مواد مخدر شناسایی می شوند. مرزهای شمال افغانستان یکی از راه های قاچاق موادمخدر به کشورهای همسایه می باشد که قاچاقبران زیادی در این مسیر ازسوی نیروهای پولیس کشته و بازداشت شده اند .
|